Davao City – Satisfied si Davao City Prosecutor Atty. Nestor Ledesma sa desisyon sa korte human nakonbikto ang pito ka mga responsable sa 2016 Roxas Night Market bombing.
Sa interbyu sa DXDC RMN Davao kang Ledesma , gidayig niya ang paspas nga paglihok sa hustisya.
“To my mind and I say this with all sincerity justice has been served upon those who died and upon the grieving families of the victims and to the entire people of Davao City. It would have been much better these accused were also convicted of terrorism. We are satisfied with the decision of the court,’ sumala ni Ledesma.
Guilty sa complex crime sa Multiple Murder ug Attempted Multiple Murder, gipakanaug nga disesyon ni Judge Marivic Vitor sa Regional Trial Court Branch 266 sa Taguig City, ang mga gitudlong akusado sa pagpamomba sila Tagabaya Macabalang, Wendel Apostol Facturan, Musali Urbano Mustapha, Jessy Vincent Guinto Original, Zack Haron Lopez, Jackson Mangulamas Usi ug Ausa Abdullah Mamasapano.
Gisentensyahan ang mga nahisgutan og life imprisonment ug gimanduang bayaran ang mga nabiling pamilya sa 15 ka mga namatay nga biktima sa kantidad nga P 100,000 isip civil indemnity, P 100,000 moral damages, P 100,000 exemplary damages ug P 50,000 temperate damages.
Bayaran usab ang 69 ka mga naangol nga mga biktima og P50,000 isip civil indemnity, P 50,000 moral damages ug P 50,000 exemplary damages.
RadyoMaN Aimee Guinita
