Naalarma karon si State Prosecutor Merlynn Uy sa matud pa taho nga pipila ka mga broadcaster sa CDO ang naapil sa ginabuhat nga exploitation sa mga rape victims nga ginainterview sa kahanginan para madungog sa tanan. Mao kini ang hinungdan nga gitawagan sa maong prosecutor ang KBP kon Kapisanan ng mga Broadcaster ng Pilipinas aron badlungon ang mga sakop niini.
Dugang pa niini nga masilutan sa balaod ang si kinsa man nga magbuhat sa maong salaud hilabi na gayud nga minors ang mga rape victims ug nga ang gikinahanglan lamang usa ka simpleng complaint gikan sa mga biktima ug ila na gilayon kining pwedeng aksyonan.
Kinahanglan na matud pa nga hunongon sa mga radio stations ang pagpasubay sa biktima sa nahitabong rape ngadto kaniya aron dili kini mag traumatize sa paghinumdum sa nahitabo kaniya. Daghan kuno kayo ang sensitibo na nga mga detalye ug dili na angay pa nga i-on air apan padayon nga ginabuhat sa pipila ka mga radio stations.
Dapat nga respetohan nato ang mga biktima, ang ilang privacy ug ingon man ang mga pangalan. Si kinsa man ang magpadayon ug buhat niini ang posibleng makasuhan ug masilutan pinasubay usab sa balaud.
