Wala nagabaton sa subong sang reservations ukon booking para sa anuman nga event nga ipatigayon sa Prorech Center main hall ang South Cotabato Economic Enterprise Management Office (SCEEMO) tungod sa natuga nga danyos sa building sang 6.6 magtitude nga linog sang Martes nga adlaw, Oktubre 29.
Samtang, ginkansela man ang iban pa nga nakaschedule na nga reservations para naman sa safety.
Suno kay SCEEMO designate Marlyn Almaden ang nasambit nga desisyon ang base sa assessment report kag rekomendasyon sang Provincial Engineering Office nga indi unsafe ang building.
May-angot sini, nagahulat sila sang final evaluation report sang Provincial Engineering Office kon bala magaakumudar pa sang events sa Protech Center Main Hall.
Apang ang mga nagarenta sang stall sa sulod sang Protech Center ang nagapadayon man suno pa kag magapatigayon pa sila sang pagsinapol kon ano ang mangin desisyon sang mga ini.
Sa iban nga economic enterprises sang provincial government kapareho sang gym, sports complex kag zipline nagapadayon ang pag-akumudar nila sang magpatigayon sang event.
Ginkumpirmar man ni Maam Almaden tungod sa serye sang afterschocks ginkansela sang National Anti-Poverty Commission ang ipatigayon sini nga aktibidad kahapon kuntani nga adlaw sa South Cotabato gymnasium.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
