#ProtectVico: Celebrities, nakiisa sa pagtatanggol kay Vico Sotto

Pasig City Mayor Vico Sotto

Nagpahayag ng suporta ang ilang sikat na personalidad para kay Pasig City Mayor Vico Sotto matapos pagpaliwanagin ng National Bureau of Investigation (NBI) ang alkalde sa umano’y paglabag sa Bayanihan to Heal As One Act.

Nagkaisa ang Kapamilya at Kapuso stars, maging ang mga naglalakihang pangalan sa entertainment industry, sa pagbatikos sa naturang hakbang ng NBI.

Narito ang mga artistang naglabas ng kanilang hinaing:


Partikular na kinukuwestyon ng NBI ang umano’y pagpayag ni Sotto na magpatuloy ang operasyon ng mga tricycle sa kanyang nasasakupan, sa kabila ng pagsususpinde ng pampublikong transportasyon habang umiiral ang enhanced community quarantine.

Paliwanag naman ng mayor, iminungkahi niya ito para sa mga frontliner at pasyenteng kailangang bumiyahe.

Dagdag pa niya, hindi rin ito natuloy dahil sinunod niya ang pasya ng national government na bawal ang tricycle, na nangyari bago pa maisabatas ang Bayanihan Act.

Nanatiling top trending sa Twitter worldwide ang #ProtectVico dahil sa pag-alma ng netizens sa ginawa ng NBI.

Facebook Comments