Atol sa gipahigayon nga press conference kagahapong adlawa didto sa Camp Ramon M. Onahon, Provincial Headquarters, Barangay 7, Malaybalay City, Bukidnon, gisiguro ni PCol. Restituto Lacano Jr., OIC Provincial Director sa PNP-Bukidnon, ang proteksyon sa impormante nga usa ka kanhi miyembro sa rebeldeng grupo sa New People’s Army (NPA).
Sumala ni Col. Lacano nga dili pasagdan sa kasundaluan ang impormante ug gipaniguro ang proteksyon niini.
Gipresenta kagahapong adlawa sa kapulisan sa probinsya ang muabot sa 14 ka mga tag-as nga kalibre sa armas nga nakalutan sa Barangay Lapok, Talakag, Bukidnon adtong Domingo sa buntag, Hulyo 2, 2023.
Gatoo usab ang kapulisan nga anaa pay daghan nga mga lubnganan sa armas ug usa lamang ang nasutang lokasyon sa mga gitaguan nga iya sa NPA.
Sa karon, hugot ang monitoring nga ginahimo sa kapulisan aron nga masuta pa ang ubang mga lubnganan sa armas.
