Protest ride batok sa pagban sa bisiklita sa bridge

Nagplano sa pagpahigayon ug unity ride ang mga grupo sa siklista dinhi sa Metro Cebu karong Dominggo Septembre 15 aron ipakita ang ilang kasagmuyo batok sa dili pagpaagi sa mga magbisiklita sa duha ka taytayan sa Mandaue ug Mactan .

Si Reyhope Villar sa Cebu Kasikad nibutyag nga dili sulosyon ang maong lakang aron masumpo ang sunod-sunod nga insidente sa hikog sa taytayan.

Matud ni Villar magtapok sila sa UCLM ug mopaingon ngadto sa tiilan sa bridge ug kung adunay mga mobabag nila nga makasaka sa bridge andam sila sa pagpakigdayalogo niini .


Samtang ang opisyal sa Cebu Talisay Adventure Bikers nga si Pecio Escolano nasagmuyo usab sa maong kamanduan ug namahayag nga kataw-anan ang maong kamanduan tungod ka yang mga nangambak sa bridge dili man mga biker .

Gawas niini matud ni Escolano ang mga magbike nga moagi sa bridge dili mosakay niini, apan moguyod lang samtang anaa pa sa ibabaw sa taytayan.

Facebook Comments