Victoria Plaza sales nidaos-os

116

Davao City – Kumpirmadong niubos ang sales kun kita sa Victoria Plaza gumikan sa suliran niini sa mall ventilation nga mao usab ang gimulo sa mga trabahante ngadto sa NCCC Management.

Atol sa media interbyu, gibutyag ni Rose Marie Gomez, Assistant Manager sa NCCC VP Mall-Department Store nga bisan unsaon og plano sa mga customers nga magdugay aron daghan ang mapalit sa maong gambalay, mawad-an kini og gana gumikan sa kaigang sa maong lugar.


Dugang ni Gomez nga sagad usab sa ilang mga empleyado nakabaton na og sakit gumikan sa kakulangon sa proper air ventilation diin dunay pipila ka mga customers gikataho usab nga nakuyapan.

Matud sa mga nagreklamo nga mga trabahante, dili sila makabuot sa mall temperature sanglit ang NCCC Management man ang naggunit sa maintenance.

Gani, nagduda ang na-agrabyar nga mga trabahante nga parte lamang kini sa planong pagpalagpot kanila sa trabaho sa maong establisimyento.

RadyoMaN Jason Amisola

Facebook Comments

From Advertisers