Davao City – Food and Medicine (FM pass) ang gilantaw nga problema sa mga progresibong grupo og nganong wala sila makadayon sa ilang lihok-protesta kontra sa 5th State of the Nation Address kun SONA ni Presidente Rodrigo Duterte kagahapong adlawa, July 27, 2020.
Sumala ni PJ Dizon, ang spokesperson sa Kilusang Mayo Uno Southern Mindanao Region (KMU-SMR) atol sa interview sa DXDC RMN Davao, nagkaproblema sila sa iyang mga kauban tungod kay sagad schedule sa paggawas sa ilang FM Pass karon pang adlawa, adlaw’ng Martes diin subay sa implementasyon sa Modified General Community Quarantine kun MGCQ sa syudad, kinahanglan gihapon dunay FM pass og mugawas sa balay.
Matud ni Dizon, gihimo nalang ang online rally sa mga raliyistang progresibong pundok kagahapong adlawa.
“Wala madayon ang rally… Naa man gud gipakanaug ang DCPO ug LGU nga maka-program ta didto as long as musunod gyod ta sa balaud… ang palisiya nila nga dapat pag mag-attend ka og rally dapat naa kay FM pass, nakasuot og face mask ug magdala og kaugalingong alcoho. Diha pa lang daan maglisud nata og patambong sa atong mga kauban,” segun ni Dizon.
RadyoMaN Don Pulayao
