Malinong kag matawhay ang paghiwat sang hublag protesta sang nagkalain-lain nga grupo kag sang mga militante nga hubon kahapon nga adlaw sa siyudad sang Iloilo angut sa ika-45 nga anibersaryo sa ng Martial Law sa pungsod.
Ginpahayag ni Police Sr. Inspector Sheila Mae Sangrines, Spokesman sang Iloilo City Police Office nga madinalag-on ang ila ginpatuman nga security measure agud masiguro nga malinong kag matawhay ang National day of Protest nga gindeklarar ni Presidente Rodrigo Duterte.
Suno kay Sangrines nga nagapasalamat man sila nga wala sang anuman nga mga ontoward incidents nga nagluntad samtang nagapadayon ang hublag protesta.
Nahialuan nga nag-upod man sa protesta ang mga militante nga grupo nga ginalakipan sang Bayan-Panay, Karapatan, Gabriella, kag subong man mga estudyante kag mga kapari-an. (sspunay)
