Davao City – Nagpagawas ang City Government of Davao og guidelines aron ipatuman sa mga outdoor fitness ug training activities.
Nakakuha og report ang inspection team sa City Sports Office nga adunay mga zumba activities sulod sa barangay nga walay permit hinungdan sa panagtapok ug wala pagtuman sa social distancing ug pagsuot og face mask ug mga aktibidad nga ginahimo sa mga atleta gawas sa gym nga walay permiso.
Pinasikad sa guidelibes, limitado sa 25 ka tawo apil na ang instructor, ang tugotan sulod sa venue ug walay spectator kun audience sa lugar.
Pagbutang sa venue og washing area, sanitizing footbath mat, thermal scanner/thermometer, ug scanner sa QR Code.
Pagmontar og barikada sa covered court aron malikayan ang pagsulod sa mga wala nakarehistro ug dili partisipante sa aktibidad.
Pagpatuman sa social distancing pinaagi sa pagbutang og marka (2-meters apart) sa lugar sa mga participants gamit ang tape markers.
Kinahanglan usab nga magbaton og 3-hours interval ang matag grupo alang sa decontamination sa area ug separate entrance og exit sa venue.
Kinahanglang magpahibalo sa barangay sa schedule sa ipahigayong outdoor fitness ug training activities ingon man listahan sa mga partisipante.
Ang barangay officials ug assigned instructor usab maoy tahasan sa pagpatuman sa maong direktiba ug magmonitor sa compliance niini.
RadyoMaN Kirby Manzon
