Sara: Davao street flooding solusyonan

22

Davao City – Gimandoan karon ni Davao City Mayor Sara Duterte-Carpio ang City Engineer’s Office (CEO) sa pagsuta sa angay’ng buhaton aron masolusyonan ang mga pabaha sa kadalanan sa syudad panahon sa kusog nga mga pag-ulan.

Matud ni Mayor Sara, ang baradong kanal kun clogged drainage systems ang rason sa pagbaha sa syudad human naghatag ang Davao City Disaster Risk Reduction and Management Office (CDRRMO) og listahan sa mga areas nga apektado sa grabing baha niadtong Sabado (Abril 10, 2021).


Gimandoan sa Alkade ang CEO nga susihon sa Department of Public Works and Highways (DPWH) ang mga proyekto nga makahimo og saktong solusyon sa street flooding sa dakbayan.

“Gi-discuss pud nato with our City Engineer’s Office kung unsay mga kinahanglan buhaton para dili magkaroon og pagbaha diha sa mga dalan basta kusog ang ulan,” sulti sa Mayor.

Gipasabot ni Duterte-Carpio, adunay mga drainage projects nga gihimo sa mga flood-prone areas sa syudad, apan aduna gihapoy mga matigayong pagbaha panahon sa kusog nga mga pag-ulan hinungdang angay hatagan og aksyon.

RadyoMaN Kirby Manzon



Facebook Comments