Cauayan City – Nanguna sa listahan ng National Topnotchers sa 2024 December Agricultural and Biosystem Engineers Licensure Examination ang isang graduate sa Isabela State University – Echague Campus.
Siya ay kinilalang si John Philip Paladan Dela Cruz mula sa bayan ng Tumauini, Isabela na nakakuha ng 88.80% passing rate.
Ikalawa naman sa listahan ng National Topnotchers si Ana Marie Macasaddug Mabborang na nagtapos sa Cagayan State University – Tuguegarao at may passing rate na 87.44%.
Samantala, nakuha rin ng Isabela State University Echague Campus ang ikalawang pwesto bilang Top Performing School sa nabanggit na professional exam kung saan 55 examinees ang nakapasa mula sa kabuuang 64 na kumuha ng pagsusulit.
Facebook Comments
