Roxas City, Capiz – May yara sang pagpanghangkat si Provincial Administrator Edwin Chinel Monares sa former provincial administrator nga si Michelle del Rosario. Ginhangkat ni Monares si Del Rosario sang isa ka face-off may kaangut sa gihapon sa isyu sang indi kuno makit-an nga lista sang mga scholars sang provincial government.
Ginpahayag pa ni Monares nga nagabinutig ang anay provincial administrator sang ginsiling nga yara sa apat ka mga staff sang provincial administrators office ang listahan.
Suno pa kay Monares nga USB/flashdrive gid lamang ang gin-endorso sang former provincial administrator sa nasambitan nga mga persona.
Dugang pa sini kun matuod nga concerned sa mga taga- Capiz ang kampo sang nakaligad nga administrasyon, dapat ang anay provincial administrator mismo ang personal nga nagkadto sa talatapan ni Monares sa pagtudlo kun diin ini ukon indi gani nagpadala siya sang iban nga persona nga amo ang magadala ukon maga-endorso sang ginapangita nga listahan.
Sa matandaan base sa separado nga interview sang RMN- Roxas, insister ni former provincial administrator Michelle Del Rosario nga ila ginbilin ang lista sang Aksyon Agad scholars mismo sa apat ka mga permanent staff sang office of the provincial administrator.
Suno pa kay Del Rosario nga ang lista ang yara man sa talatapan sang internal audit kag kon credentials pa gid ang ginapangita sang subong nga administrasyon, ini man ang yara sa Provincial General Services Office(PGSO).
