Provincial Agriculture Office sang South Cotabato ginapasubmitir ang mga mangunguma sang requirements kon luyag mag-avail sang palay support fund.

Gilayon nga mamakal sang produkto nga palay sang mga mangunguma sa South Cotabato ang provincial government paagi sa BINTIKU Multi-Purpose Agricultural Cooperative kag indi na paghulaton pa nga magnubo ang buying price sang palay dire sa probinsya.
Ini matapos nga ginpainan sang P20 million sang provincial government ang palay support fund subong nga tuig, apang P15 million lang ang gin-aprobahan sang mga katapo sang Sangguniang Panlalawigan kag ang P5 million ang i-supplemental budget na lang base sa ila nga rekomendasyon.
May-angot sini, ginaawhag ni Provincial Agriculturist Justina Navarette ang mga mangunguma sa probinsya nga luyag mag-avail sang palay Support Fund program nga magsubmitir sa ila talatapan sang soil sample, certification nga sila ang insured sa Philippine Crop Insurance Corporation (PCIC) kag magsubmitir sang package sang teknolohiya nga ginaadoptar
Samtang ang indi suno pa makasubmitir sang nasambit nga mga requirements ang indi makaavail sang nasambit nga programa.
Nahibaluan nga sang nagligad nga tuig nagalab-ot sa P10 million ang gin-alokar nga pondo para sa palay support fund kag yara sa masobra 100 ka mga mangunguma ang nakabenepisyo.

Facebook Comments