Provincial Anti-Dengue Task Force maga convene sa Lunes

17

Kalibo, Aklan – Nakataeana nga maga convene sa adlaw nga Lunes rong mga miyembro it Provincial Anti-Dengue Task Force.
Raya rong ginpahayag ni Dr. Cornelio “Bong” Cuachon Jr., sa pakikipag-angot it RMN DYKR Kalibo sa programang Straight-to-the-Point.
Suno kay Dr. Cuachon nga kaibahan kara rong mga Municipal Mayors para nga istoryahan rong sitwasyon it probinsya angot sa nasambit nga masakit ag kung pwede nga makadeklara it outbreak ukon maideklara nga sa state of calamity bangud sa an usual nga pagtinaas it numero ko mga nagamasakit it dengue.
Sa pihak nga parte ginpahayag ni Dr. Cuachon nga sa pinakalatest nga rekord it PHO-Aklan hay may una nga 2, 171 ka mga kaso it dengue ro andang nailista nga kung sa siin mataas raya it 156% kung ikumpara sa nagtaliwan nga dag-on sa kaparehong period nga may una eamang nga 848.
Sa gihapon rong banwa it Kalibo ro nagapanunga sa may pinakaabo nga kaso nga may 523: Balete 213: Banga 196: New Washington 190: Numancia 166: Ibajay 115: Altavas 111: Malay 101: Batan 83: Makato 73: Tangalan 71: Nabas 67: Buruanga 50: Lezo 48: Malinao 41: Libacao 35: Madalag 29 ag Others nga 50 kung sa siin raya suno kaya alarming eon ro sitwasyon.
Sa 2, 171 nga numero ngara hay 15 eon rong namatay.
Ginpahayag pa gid ni Dr. Cuachon nga basi man sa advisory nga ginpaguwa it Regional Office 6 kung Department of Health hay kung magpa dengue test rong pasyente ag raya hay mag positive consider eon dayon daya nga may dengue.
Sa makaron hay may una eon lang nga daywa ka klase it pag diagnose, either thru probable nga dengue ukon confirm state nga dengue.
Pagasaligan pa gid suno kay Dr. Cuachon rong pagtaas it numero kung mga nagamsakit bangud naga umpisa eon rong rainy season ag base sa andang rekord hay in a span of one week ro Provincial Hospital hay may na-detect nga 174 ka kaso ukon naga average sanda it 24 ka kaso kada adlaw mag eowas pa sa mga pribadong hospital.
Sa makaron bangud nga punuan rong isolation ward it Provincial Hospital naghinyo man rong Provincial Health Office sa tatlo ka mga pribadong hospital nga kung mahimo hay mag designer man sanda it isolation room para sa mga nagapaadmit nga may dengue agod ma akomodar ag nagpasugot man sanda.
Nagpanawagan man si Cuachon sa mga pumueoyo nga indi mag panic bangud nga ginahimo man it gobyerno rong tanan nga tikang kung paano makontrol ag ma prevent ro mga nasambit na masakit kamana man ro mga namok nga nagadaea kara.
Importante eang suno kana nga kung may lagnat kita hay magpatan-aw eagi sa doktor it mas temprano ag indi kita mag self-medication ag indi naton pagbaliwalaon kamana man mag panglimpyo sa baeay ag sa atong palibot.

Facebook Comments

From Advertisers