Sarangani Province–Nagmaya karon ang mga opisyales sa probinsya sa Sarangani imbukada pa lang sa tuig tungod kay laing kalampusan na usab ang naangkon sa pagpatuman sa mga programa hilabi na ang pagpakgang sa ginadiling druga.
Sa nahitabo nga labing una nga National Anti-Drug Abuse Council Performance Award nga gi-organisa sa DILG, napili ang Sarangani Province nga usa sa baynte-uno (21) ka mga probinsya sa tibuok Pilipinas nga nakadawat og award isip “ideal” tungod kay aduna kini high functionality rating sa kampanya sa pagbatok sa ilegal nga druga.
Ang PADAC o Provincial Anti-Drug Abuse Council sa Sarangani ang nakakuha kinig 85% basi sa year 2017 ADAC Performance Audit. Sa kapin 1,700+ kabuok mga probinsya, syudad og munisipyo sa nasud og sobra otsyenta (80+) ka mga probinsya, 241 lang ka mga LGU ang nakapasa og natagaan sa maong pasidungog.
Mismong si Governor Steve Chiongbian Solon ang nidawat sa plake didto sa The Manila Hotel nga personal gitunol ni DILG Secretary Eduardo Año. Dakog puntos sa kadaugan sa PADAC Sarangani ang nagpadayon nga pagpahigayon og Community-Based Rehabilitation Program katugbang ang mga MADAC kon Municipal Anti-Drug Abuse Council.
Og ang pagbarog sa Region 12 Drug Rehabilitation Center nahimutang sa Kawas, Alabel alang sa mga high level nga gagamitan og ginadiling druga, og ang pagbarog pud sa “Balay Silangan” sa lungsod sa Malungon nga maoy pinakaunang community-based reformation shelter sa Pilipinas nga programa sa PDEA.
