Roxas City, Capiz – Gina-obserbar subong nga adlaw ang “Provincial Dengue Day” sa probinsya sang Capiz.
May kaangut sini, isa ka simultaneous anti-dengue awareness activity ang gindihon sa pagpamuno sang Provincial Health Office (PHO) agud nga malikawan ang maka-alarma nga pagsaka sang dengue cases sa probinsya.
May yara sang kick off ceremony nga gintig-ulohan “Provincial Dengue Day” pinaagi sa audio – visual presentation sa dako nga LED screen sa Provincial Capitol kadungan sa flag raising ceremony.
Suno kay PHO Public Information Officer Ayr Altavas, ini ang pagasundan sang motorcade sa mga mayor nga dalanon padulong sa anum ka mga pampubliko nga eskwelahan sa Roxas City nga patigayonan sang dengue awareness program partikular ang barangay sang Mongpong, Banica, Tiza, Milibili, Lawaan kag Bolo.
Nahibaloan nga ang subong nga bulan sang Hunyo, ang gindeklarar bilang National Dengue Awareness Month base sa Proclamation No. 1204 nga gin-issue ni former President Fidel Ramos sang 1998.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
