Roxas City, Capiz- Nakighinun-anon kahapon nga adlaw sa provincial capitol kay Gov. Esteban Evan “Nonoy” Contreras ang masobra sa 250 ka mga persona nga nabiktima sang illegal recruitment.
Nahibaluan nga ang mga lalaki nga aplikante ang ginpromisahan sang P170, 000 pesos nga sweldo samtang P130, 000 pesos naman ang ginpangako nga sweldo sa mga babaye bilang factory worker sa Busan South Korea.
Ini ang kabaylo sang bayad nga P73,700 pesos para sa pagproseso sang visa kag ticket, pocket allowance, Korean insurance kag terminal fee sa mga nagrecruit sa ila nga sanday Ramelyn Andrade kag live-in partner sini nga si Kim Tae Yong nga isa ka Korean national.
Ginpangako naman ni Gov Contreras ang bulig kag legal assistance sa nasambitan nga mga biktima agud nga mapasakaan sang kaso ang amo nga mga persona.
