Magahatag sang P400,000 nga financial assistance ang Iloilo provincial government sa Iloilo city government para sa staging sang dinagyang festival 2019.
Ginpahayag ni governor Arthur Defensor Sr. nga indi apektado sang reenacted 2018 budget ang pagbulig sa syudad para sa dinagyang bangod ginkabig ini nga “necessary expense” sang gobernador.
Suno kay Defensor, halin sang nag gobernador ini sang 1992 tubtob nakabalik sang 2010, kina-andan na nga nagahatag ang iya pamunuan snag bulig sa syudad tagsa ka dinagyang.
Suno sa gobernador, indi lang syudad sang Iloilo ang ginapromote sa dinagyang kundi pati man ang probinsya.
Suno sa iya, ang dinagyang nagadugang bulig sa kauswagan sang syudad kag probinsya sang Iloilo gani wala sang rason ang sangguniang panlalawigan nga punggan ang paghatag niya sang assistance.
Sang nagligad nga tuig, naghatag man sang kaangay nga kantidad ang gobernador para sa dinagyang festival.
Ang highlight sang dinagyang festival hiwaton sa Enero 26 para sa Fiesta Pilipinas: Kasadyahan Cultural competition kag Enero 27 ang ati tribes competition.
Photo via IMT
