May-yara sang idugang sa guidelines nga ipatuman sang Provincial Government sang South Cotabato sa pagbakal sang produkto nga palay sang mga mangunguma dire sa probinsya sa idalom sang palay support fund subong nga tuig.
Suno kay Provincial Agriculturist Justina Navarete ang madugang sa guidelines amo nga seguraduhon nga may quality na ang i-deliver nga produkto nga palay sang mga mangunguma nga indi bahay, itom kag hilamunon.
Indi naman pwede nga mag-attach ang mangunguma kon wala nalab-ot ang 4 tons nga quota sa kada mangunguma tungod ini ang kabangdanan nga nagsagol ang lain-lain nga variety sang palay sa implementasyon sang P10 million palay support fund.
Ini matapos nga sang nagligad nga tuig nga implementasyon nangin problema nila ang quality sang ginabaligya nga palay sang mga mangunguma.
Samtang suno kay Navarete liwat pa nga mangayo sang authority si Governor Reynaldo Tamayo Jr.,sa Sangguniang Panlalawigan para sa implementasyon sang P15 million subong nga tuig nga palay support fund.
