Provincial Government plano nga magdeploy sang regular nga doktor sa South Cotabato Provincial Jail.

Plano sang provincial government sang South Cotabato nga magdeploy sang doctor sa Provincial Rehabilitation and Detention Center agud nga magsikyar sa ikaayong lawas sang mga preso nga indi na maglab-ot pa sa punto nga maglala pa ang balatian kag malikawan ang pag-eskapo sa ospital sang mga ini.
Apang suno kay Governor Daisy Avance Fuentes indi pa ini madali-dali tungod kinahanglan pa nila nga maghire sang doctor nga magsugot sa itanyag nga sweldo sang lokal nga panggobyerno.
Ginpahayag man ni Governor Fuentes nga may pipila ka preso ang nagainarte na lang man agud nga madala sa ospital kag makapangita sang tion nga makapalagyo matapos nga pila na ka preso nga gindala sa balay bululngan ang nalagyo.
Samtang sa bag-o nga building sang ospital ginsuhestyon niya suno sa gobernadora nga magprovide sang kwarto nga para gid sa mga preso nga maadmitir agud nga malikawan nga makapalagyo.
Madumduman nga isa ini sa plano ni Governor Fuentes nga posible himuon sa Provincial Jail sa pagdeliver niya sang State of the Province Address ang angot sa pagbutang sang doctor agud nga malikawan ang pag-eskapo sang mga preso sa ospital.