Provincial Government sang South Cotabato nagpain sang P61 million para sa educational assistance sa masunod nga tuig, apang indi magamit kon indi masubmitir ang nakaitemize nga program profile.

Nagalab-ot sa masobra P61 million ang gin-alokar nga pondo sang provincial government sang South Cotabato para sa educational assistance sa mga eskwelahan dire sa probinsya sa masunod nga tuig nga nalakip sa gin-aprobahan nga 2020 annual budget sang Sangguniang Panlalawigan.
Suno kay South Cotabato Vice Governor Vicenti de Jesus ang P11 million sa nasambit nga pondo ang magakadto para sa sweldo sang mga security guard kag janitor sang mga public schools.
Apang suno kay Vice Governor de Jesus indi magamit ang nasambit nga pondo tubtob nga indi masubmitir sa ila ang program profile nga nakaitemize base man sa kondisyon nga ila ginplastar sa pag-aproba sa nasambit nga pondo para sa educational assistance.