Provincial government sang South Cotabato nagtukod na sang Inter-agency ASF Task Force.

28

Nagtukod na sang Intergency Agency African Swine Fever Task Force ang Provincial Government sang South Cotabato paagi sa ginpaggwa nga Executive order ni Governor Reynaldo Tamayo Jr. nga amo ang honorary chairman.

Chairperson naman sang ASF task force ang Provincial Veterinarian kag ang mga members ang ginalakipan sang pipila ka department heads sang provincial government kapareho sang PPDO, PDRRMO, PEMO, IPHO kag iban pa lakip man ang PNP, FDA, NMIS, DILG, DENR kag iban pa nga concern nga ahensya sang gobyerno.


Ang nasambit nga tikang sang provincial government ang kadungan sang pag-igo sang ASF sa pipila ka pungsod kag sa subong may outbreak na sang nasambit nga balatian sa baboy sa Bulacan kag Rizal kag ginmanduan ang mga local government unit nga maghulag man.

Suno kay Provincial Veterinaran Dr. Flora Bigot ang main function sang Task Force ang hugot nga monitoring, dissiminate sa ginapaggwa nga kamanduan sang national government, ASF preparedness, patuman sang quarantine measures kag iban pa agud nga malikawan nga makasulod ukon lapta ang ASF sa probinsya

May-angot sini, nakapatigayon na sila sang African Swine Fever Consultative Meeting and Orientation of Task Force sang tinalikdan nga adlaw.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers