Nakabaton siya suno kay South Cotabato Governor Daisy Avance Fuentes sang advance copy sang reklamo nga ginfile sang asosasyon sang tribo nga halin sa banwa sang Tampakan kag portion sang Davao del Sur nga naapektuhan sang ila desisyon nga pagban sang open pit mining dire sa probinsya, rason nga wala nakaoperate ang Sagitarrius Mines Incorporated ukon SMI.
Apang sa subong suno pa nagahulat sila sang subpoena halin sa Korte angot sa nasambit nga reklamo.
Suno kay Fuentes base sa nabaton niya nga kopya sang reklamo , ginhatagan punto nga wala sang katungod ang lokal nga panggobyerno sa pagban sang open pit mining dire sa probinsya tungod ginatugutan man gani ini sang national government rason nga naglapas sa balaud ang provincial government.
May-angot sini, suno kay Governor Fuentes handa sila nga atubangon ang nasambit nga kaso kag i-depensa ang panindugan sang lokal nga panggobyerno kon ngaa ginaban ang open pit mining dire sa probinsya nga ang naapektuhan amo ang Sagitarruis Mines Incorporated ukon SMI.
Isa suno pa sa depensa nila ang general welfare tungod sa matuga nga epekto kon pahanugutan ang open pit mining.
Samtang, suno sa gobernadora makapaayo man ini, agud nga ang korte na ang maghambal kon tama bala ukon indi ang pagban sang open pit mining sa South Cotabato.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
