Provincial Government sang South Cotabato nakahatag na sang ayuda sa mga apektado nga residente sang engkwentro sa Brgy. Ned.

14

Naghatag na sang ayuda partikular na food pack ang provincial government sang South Cotabato sa mga residente nga apektado sang nagluntad nga engkwentro sa tunga military kag rebelde nga New People’s Army ukon NPA sa nabukid nga bahin sang Barangay Ned, Lake Sebu.
Suno kay Provincial Disaster Risk Reduction and Management Operations and Warning Division Chief Rolly Aquino nagalab-ot sa 54 ka mga pamilya sang Sitio Lambila sa nasambit nga barangay ang apektado kag yara sa masobra 80 ka mga food pack ang ila nga narelease.
Ginkumpirmar man ni Aquino nga nagdulhog ang nasambit nga mga apektado nga residente sa Sitio Slong sang nasambit nga barangay.
May-angot sini, kon indi pa maresolber ang nasambit nga problema sa Barangay Ned suno kay Governor Reynaldo Tamayo Jr., natalana siya nga magapadulong bwas nga adlaw sa nasambit nga area.

Facebook Comments

From Advertisers