Surallah gindeklarar nga 2019 Most Outstanding Muninicipal Anti – Drug Abuse Council.

11

Liwat nga nakuha sang banwa sang Surallah subong nga tuig ang Outstanding Municipal Anti-Drug Abuse Council ka nakabaton naman P500k nga premyo sa ginpatigayon kahapon nga adlaw nga awarding kadungan sang Provincial Drug Abuse Prevention and Control Week Kick-off ceremony.
Suno kay Surallah Mayor Antonio Bendita naglevel-up ang ila nga approaches sa kampanya kontra ilegal nga droga nga ini man ang rason nga madeklarar nga drug cleared municipality.
Ginkumpirmar niya nga bag-o pa man ang pagdaug sa Seal of Good Local Governance nga nagaisahanon nga nakapasa nakuha na nila suno pa ang drug cleared municipality nga amo man ang ginbasehan sang SGLG.
Gamiton naman nila suno kay Mayor Bendita ang premyo sa drug abuse campaign kag premyo naman sa SGLG ang gamiton sa pagpasemento sang dalan padulong sa mga eskwelahan sa banwa.
Samtang 2nd place naman ang banwa sang Sto. Niño sa Outstanding Municipal Anti-Drug Abuse Council nga nakabaton sang P400k, 3rd place Norala- P300k, 4 th place Tantangan- P200k kag 5th place Banga nga nakabaton sang P100k.
Nakabaton naman sang P50k consolation price ang banwa sang T’boli, Lake Sebu, Tampakan, Koronadal, Tupi kag Polomolok

Facebook Comments

From Advertisers