Nagalab-ot sa 67 ka mga creditors nga natalana nga makig-memorandom of agreement ukon MOA ang provincial government sang South Cotabato paagi kay Governor Reynaldo Tamayo Jr. para sa credit line sang mga produkto kag serbisyo nga ginahatag sang mga ini may kahilabtanan sa health program sang lokal nga panggobyerno.
Ini ang ginlakipan sang mga hospitals, pharmacies, clinics, dialysis centers, kag funeral parlors nga amo ang ginapadal-an sang guarantee letter sang probinsya para sa mga ginahatag nga ayuda sa mga pumuluyo kag pasyente.
Lakip man sa mga creditors ang Philippine Red Cross, Yellow Bus Lines Incorporated,DOH-Treatment and Rehabilitation Center sa Cagayan De Oro City kag Davao Jubilee Foundation.
May-angot sini, ginrefer na sa Committee on Health sa Sangguniang Panlalawigan sang South Cotabato ang paghatag sang authority kay Governor Reynaldo Tamayo Jr. nga magpirma sang Memorandum of Agreement sa nasambit nga mga creditors sa probinsya.
Sa subong suno pa nagahatag anay sang financial assistance ang provincial government kag sa tion suno pa nga makaMOA na guarantee letter na lang ang ihatag sang provincial government para sa mga creditors.
