Ginpresentar sang pamunuan sang Provincial Health Office, Provincial Hospital kag Department of Health sa mga katapo sang Sangguniang Panlalawigan ang plano nga pagtukod sang P200 million nga three-storey building sa South Cotabato Provincial Hospital nga ginpondohan sang DOH.
Base sa presentasyon nagaggwa nga delikado nga idikit sa Sangguniang Panlalawigan Office ang itukod nga bag-o nga building sa compound sang Provincial Hospital tungod sa posible paglapta sang airborne diseases, maapektuhan ang operation sang balay bululngan, magutok na ang lugar , maggasto pa sa demolition kag sayang man ang mga gub-on nga building.
Naggwa man nga wala pa sang pinal nga approval ang proposed site tungod wala pa naplastar ang bentaha kag disbentaha sini.
Apang kon sa Protech Center compound ibutang ang P200 million mapadasig ang construction kag pareho lang man ang plano ibutang nga mga edipisyo sa i-construct nga bag-o nga building.
May-angot sini, nagakinahanglan pa sang resolution sang Sangguniang Panlalawigan nga mangin parte sang Provincial Hospital ang itukod nga three –storey building.
Samtang liwat pa nga magapresentar ang grupo upod ang contructor sa mga katapo sang Sangguniang Panlalawigan angot sa plano nga pagbalhin sa Protech Center sang itukod nga building base naman sa luyag matabo ni Governor Reynaldo Tamayo Jr.
