Liwat nga ginpahanumdum sang Provincial Health Office ang publiko ilabi na ang mga may balatian sa korason, kidney kag diabetes nga maghagan-hagan lang sa pagkaon subong nga paskuwa.
Ginhatagan pagtamod ni Dr. Patricia Grace Trabado, head sang Provincial Health Office nga bangud sa okasyon, madamo sang mga pagkaon kasubong sang mga mamantika, matambuk kag subong man mga maarat kag matam-is nga masami kabangdanan sang paglukmat sang mga balatian.
Bangud sini, ginpanugyan ni Dr. Trabado nga hagan-hagan lang sa pagkaon agud makalikaw sa pag-atake sang madamo nga balatian subong nga paskuwa.
Facebook Comments
