Roxas City, Capiz – Padayon ang ginapatigayon nga contact tracing sang Provincial Health Office(PHO) sa mga persona nga nakaupod sang ikaanum nga nagpositibo sa COVID-19 sa probinsya sang Capiz.
Ginpahayag sang Information Officer sang PHO nga si Mr Ayr Altavas nga sa subong yara na sa 57 ka bilog ang narekord nila nga mga persona nga ginakabig “high-risk contacts” nga nakaupod ni WV patient number 105.
Suno diri nga subong nga adlaw, pagalauman nga magasaka pa ang nasambitan nga numero bangud sa masangkaron nga contact tracing.
Ang mga ini ang pagakuhaan sang specimen kag pagadal-on sa Western Visayas Medical Center(WVMC) para sa nagakaigo nga test.
Samtang aminado man si Altavas nga mangin siya ang lutaw pa sa realidad kun paano nag-angkon sang positibo kag halin pa mismo sa mga frontliners sang Provincial Health Office.
Sa madumdoman isa ka 32-anyos nga lalaki nga health worker ang na-test nga positibo sa coronavirus.
