Provincial Health Office sang South Cotabato may pahanumdom sa mga pumuluyo batok food poisoning.

Ginapahananumdom ni Dr. Rogelio Aturdido Jr., Provincial Health Officer sang South Cotabato sa mga pumuluyo ang kaso sang food poisoning kon may mga nabilin nga pagkaon sa selebrasyon sang paskwa.
Suno sa iya seguraduhon nga wala pa napan-os ang nabilin nga pagkaon agud nga malikawan ang kaso sang food poisoning subong nga panahon.
Samtang tungod papalapit naman ang pagsugata sang bag-ong tuig ginaadvice niya sa mga pumuluyo nga dapat malimpyo ang pagpreparar sang pagkaon, nabutang sa maayo nga surudlan kag kon may mabilin ibutang sa refrigerator agud nga indi madali nga mapan-os.
Suno kay Dr. Aturdido ang mga pagkaon nga ginapreparar kada selebrasyon sang paskwa kag bag-ong tuig nga madali nga mapan-os amo ang bihon, spaghetti kag iban pa.
Sa pihak nga bahin, ginkumpirmar man ni Dr. Aturdido wala pa sang nareport sa iya talatapan nga kaso sang firecracker related injuries sa probinsya kadungan sang selebrasyon sang paskwa.
May-angot sini, iya ginalauman nga magapadayon tubtob sa pagsugata sang bag-ong tuig nga wala kag kon may –yara man sang marekord nga kaso sang mabiktima sang palupok sa probinsya ang indi lang madamo.