Indi lang coronavirus disease ukon COVID-19 ang balantayan sa subong kundi ang balatian nga dengue tungod nagaumpisa saka ang kaso sini pag-abot sang bulan sang Mayo tubtob Hulyo.
Ginkumpirmar man ni South Cotabato Provincial Health Officer Dr. Rogelio Aturdido nga may narekord na nga nabawian sang kabuhi sa balatian nga dengue, apang manubo pa man suno pa.
May-angot sini, ginaawhag man sini ang katawhan nga maghalong man batok balatian nga dengue.
Samtang ang iban nga health programs suno pa ang nagapadayon kapareho sang regular nga immunization sa mga kabataan kag ang pagpadayon na sang voluntary mass blood donation nga naapektuhan sang enchanced community quarantine base naman sa mando sang Department of Health nga ginsuportahan sang provincial government paagi sa ginpaggwa nga executive order no. 22 ni Governor Reynaldo Tamayo Jr.
