Naglain ang ila nga buot suno kay South Cotabato Provincial Health Officer Dr. Rogelio Aturdido Jr. ang diskriminasyon nga nabaton sang mga medical health worker sa pihak sang ila sakripisyo para lang matapna ang COVID 19 pandemic.
Dugang pa niya nga imbes pakamalauton sila kag ibashed sa social media buligan na lamang sila nga matapna ang nasambit nga balatian bangud indi man nila luyag nga talikdan ang ila sini propesyon ilabi na nga trabaho nila nga amligan ang ikaayong lawas sang tanan.
Indi suno pa mahapos ang pagsuksok sang full personal protective equipment ukon PPE sa sulod sang apat ka oras nga indi makainom sang tubig, indi makapangihi, indi makakaon kag nagapaligo sang balhas. Tanan suno pa ini ang sakripisyon nga ginaatubang nila adlaw-adlaw.
