Provincial Health Officer pabor sa “South Cotabato COVID 19 Tracing System” ukon SCCCTS, katawhan ginaawhag nga magparehistro sa duha ka contact tracing system.

Ginapaboran ni Provincial Health Officer Dr. Rogelio Aturdido Jr. ang South Cotabato COVID-19 Contact Tracing System tungod nagapati siya nga wala ini sang ginalapas nga laye.
May-angot sini, iya ginaawhag ang mga pumuluyo nga magparehistro sa SCCTS kag bisan sa StaySafe kadungan sang narekord nga isa ka kaso sang COVID-19 dire sa probinsya partikular na sa banwa sang Polomolok.
Suno kay Dr. Aturdido paagi sa SCCTS, mas mapadali ang contact tracing sang local government sa mga close contact sang pasyenti gamit ang contact tracing APP.
Ginpahayag niya nga sa subong nakapatigayon na sila sang orientation sa masobra isa ka libo nga myembro sang contact tracing team sang South Cotabato.
Samtang ginpaklaro naman ni Executive Assistant Rudy Jimenea nga indi compulsory ang pagparehistro sa SCCCTS tungod pwede man ang mga pumuluyo magparehistro sa StaySafe.
Dugang pa niya nga ang SCCCTS ang magapuno lang sa kakulangan sang StaySafe contact tracing.
Nahibaluan nga ang sin-o man nga magparehistro ang mahatagan sang citizens ID nga pwede gamiton sa pagsulod sa mga estbalisemento.

Facebook Comments