Gipa-recall kon gipa-uli sa Provincial Government of Bukidnon ang Provincial I.D. sa tanang naggunit og nahatagan niini gikan sa Provincial Social Welfare And Development Office (PSWDO).
Sa interview sa RMN Malaybalay ngadto kang Hansel Echavez, ang admin officer sa buhatan sa Public Affairs, Information And Assistance gibutyag niini nga ilang gihangyo ang mga nagbaton sa mao nga provincial I.d sa pag-uli ug pag surrender niini.
Matud ni Echavez nga kini gihimo aron mapakgang ang nadiskubrihang binuang sa uban natong kaigsoonan nga pag duplikar o pagkopya sa maong I.D. og nakita nga adunay naga gunit nga dili angayan o kwalipikado sa maong ayuda.
Gidugang niini nga tungod usab sa reklamo sa pipila nga wala na apil sa listahan nga gibasehan kaniadtong tuig 2015 nga unta kwalipikado man unta sila sa mao nga programa sa gobyerno.
Sigun ni Echavez nga tungod sa maong mga rason nagdesiyon si Governor Jose Ma. R. Zubiri nga gipapa-uli ang mao nga provincial ID ngadto sa buhatan sa municipal o city social welfare and development office sa tagsa-tagsa ka munisipyo o syudad o kaha sa PSWDO sa kapitolyo probinsyal.
