4 ka miyembro sa Bangsamoro Islamic Freedom Fighters-ISIS inspired group (BIFF-ISIS) ang patay samtang 3 ka sundalo ang angol sa nahitabong engkwentro nga natigayon sa may Sitio Mupak, Barangay Poblacion, Datu Paglas Maguindanao.
Una nang nakadawat ug taho ang militar bahin sa pagsulod sa grupo ni Kumander Solaiman Tudon sa maong lugar.
Gilayong girespondihan sa Ist Mechanized Infantry Brigade Philippine Army, 33rd IB ug PNP-SAF inabagan sa Datu Paglas PNP, 39th IB ug tropa sa Cafgu ang lugar.
Miluntad ug halos usa ka adlaw ang englwentro tali sa militar ug mga armado apan wala ka agwanta ang BIFF human daghang tropa ang niback-up sa militar. Misibat ang mga rebelde padulong sa may Liguasan Delta.
Subay sa report, buot sakupon sa mga teroristang BIFF-ISIS ang Datu Paglas kung asa una nilang gisulod ang Barangay Poblacion nga miresulta sa paghikling sa mga residenti sa lugar.
Sa karon nagpadayon ang gihimong clearing operation sa Militar batok sa grupong BIFF.
