Patay ang upat ka mga tawo atol sa nahitabong sunog sa Barangay Katuli, Sultan Kudarat maguindanao, alas 2:00 ang takna kaganinang kabuntagon.
Giila ang mga namatay nga silang Demos Araneta, Mujahidden Araneta, Dina Araneta ug Dagol Araneta, pulos residenti sa maong lugar.
Subay sa report sa BFP-Sultan Kudarat nakadawat nalang sila ug report nga dunay nangasunog nga panimalay sa maong lugar. Dali nila kining girespondihan apan dako na ang kalayo sa ilang pag abot mao nga nalisdan na sila sa pagpalong niini.
Pagpalong sa kalayo, didto na nakaplagan ang mga patayng lawas sa mga biktima nga napaig na gumikan sa maong sunog.
Gikaingong gikan sa balay sa usa ka biktima ang kalayo ug nadamay ang tulo pa ka balay nga anaa sa tapad niini. Sa karon padyon ang gihimong imbistigasyon sa kapulisan kalabutan sa insidenti ug ginasuta pa kung pila ang damyos niini.
