Maguindanao Province—Laing engkwentro na usab ang natigayon tali sa Militar nga sakop sa 40th Infantry Battalion, Philippine Army ug sa grupo sa Bangsamoro Islamic Freedom Fighters (BIFF ) nga gipangunahan ni Kumander Nanding Mama sa Brgy. Pidsandawan, Mamasapano, Maguindanao.
Miluntad ug halos usa ka oras ang binakbakanay sa duha ka mga grupo nga miresulta sa kamatayon sa (5) ka miyembro sa BIFF.
Nasayran nga migamit na ang militar ug 105mm howitzers cannon ug helicopter gunship sa Philippine Air Force diin gibombahan ang nahimutangan sa mga teroristang grupo.
Narekober sa lugar ang mga patayng lawas sa BIFF; (4) ka M16 Armalite rifles, (2) ka M14 rifles, (1) ka RPG ug ubay-ubayng mga bala.
Samtang gumikan sa tumang kahadlok, nanghikling ang mga residenti sa lugar kansa nagpabilin karon sa evacuation center. Nagpadala na usab ug inisyal nga tabang ang lokal nga panggamhanan sa Mamasapano sa mga apektadong residenti.
