Samdan ang unom ka mga sundalo human nga mibusikad ang landmine sa Magpet North Cotabato ala 1:00 pasado kagahapon sa hapon.
Giila ang mga sundalong nangaangol nga silang si 2nd Lt. Rustine Barco; Cpl. Ronie Gutierez; Cpl. Roldan Parcon; Cpl. Shanon Obaldo; Pvt. Rolando Bublao ug Pvt. Dennis Andol , pulos miyembro sa medical team sa 19th Infantry Battalion.
Nasayran nga naigo ang mga biktima sa shrapnel gikan sa mibusikad nga landmine nga gibilin sa gituohang miyembro sa New People’s Army (NPA) sa tulay nga Barangay Doles sa maong lungsod.
Nasayran nga pauli na unta ng mga personahe sa Provincial Government sa North Cotabato uban ang mga sundalo human silang naglusad ug Medical ug Dental Mission sa Barangay Binay.apan pag abot sa maong lugar, kalit mibusikad ang landmine nga miresulta sa pagkaangol sa mga biktima.
Base sa record walay angol sa grupo sa Integrated Provincial Health office o IPHO human nga nauna nag mga nahisgutan sa convoy sa militar.
Gituohang ang mga sundalo ra gyud ang parget sa mga rebeldi. Sa karon nagpabilin pa sa ospital ang mga nangaangol nga sundalo samtang nagpadayon pa ang imbistigasyon kalabutan niini.
(Photo From Web)
