South Cotabato – Gikumperma sa Armed Forces of the Philippines (AFP) nga nagpadayon hangtud sa kasamtangan ang pagpang-recruit sa Bangsamoro Islamic Freedom Fighters -ISIS inspired group sa pipila ka lugar sa Mindanao.
Una nang gibutyag ni 33rd Infantry Makabayan Batallion commanding officer Lt. Col. Harold Cabunoc, nga duna silay mga impormasyon nga nadawat nga nagpadayon ang pagpang-adni sa mga teroristang grupo ug mga batan-ong manggugubat nga buot musalmot sa ilang kalihukan.
Tungod niini mas gipakusgan pa karon sa militar ang paggukod sa mga sakop sa BIFF hilabi na sa area sa Maguindanao ug North Cotabato.
Samtang nanawagan usab si Cabonoc ngadto sa mga kabataan nga dili pailad sa mga awhag sa mga armadong grupo ugaling man dunay muduol kanila. (Jica Rose Parok MSU-Intern)
