North Cotabato—Nagpadayon pa ang gihimong imbistigasyon sa kapulisan sa pagpamusil patay sa usa ka opisyal sa lokal nga panggamhanan sa North Cotabato alas 8:50 ang takna sa gabie.
Giila ang biktima nga si Robert Floreza Herbilla Jr., 43, minyo sekretaryo sa sangguniang bayan sa lungsod sa President Roxas, North Cotabato.
Sa imbistigasyon sa kapulisan nasuta nga gisulod matud pa sa suspek ang balay sa biktima dayon gipusil gamit ang kalibre 45 nga pistol.
Paspas usab nga misibat ang suspek human sa pagpamusil samtang ang biktima gidala dayon sa ospital apan walay swerting nakabsan sa iyang kinabuhi.
Sa karon naghimo na ug makuting imbistigasyon ang kapulisan aron nga matumbok ang motibo sa krimen. Nasayran nga una nang gironda sa kapulisan ang balay sa biktima kung asa nakuhaan kini ug iligal nga droga apan nakagawas human nga nakapyansa.
