Yara na sa 788 sa masobra duha ka libo nga mga stranded nga mga residente sang South Cotabato nga ginalakipan sang mga studyante, trabahante kag iban pa ang tigayon na nga navalidate sang provincial government sang South Cotabato paagi sa Provincial Tourism Office agud nga papaulion dire sa probinsya.
Suno kay Tourism Operations Officer I Argie Ryan Asaria ang nasambit nga numero amo yadtong nagsubmitir na sang data kag barangay certificate nga nagapamatuod nga taga-South Cotabato sila.
Apang suno kay Asaria nagahulat pa sila sang guidelines kag approval sang national Inter-Agency Task Force sa pagpapauli sang mga stranded nga residente sang probinsya.
Paklaro niya man nga indi syento porsyento nga sal-on sang provincial government ukon sang mga local government units ang pamasahe sang mga magpauli dire sa probinsya kundi magahatag lang sila sang counterpart.
