Provincial Treasurers Office target ang 100 ka mga real property sa kada banwa sa plano nga auction sale.

Target sang South Cotabato Provincial Treasurer`s Office nga 100 nga mga propiedad kada banwa ang ila nga ma-auction sa bulan sang Oktubre ukon Nobyembre subong nga tuig.
Plano nila nga ipatigayon sa South Cotabato Gymnasium and Cultural Center ang provincewide nga auction sale sa real property, suno kay Provincial Treasurer Alvim Batol.
May-angot sini, nagacoordinate sila sa subong sa City Treasurers Office nga magsabay man sa patigayunon nga auction sale agud nga mangin provincewide gid ang himuon nga aktibidad.
Samtang, daku ini nga bulig suno kay Batol agud nga malab-ot nila ang P60 million nga target sa masukot sa real property subong nga tuig.