Provincial Veterinary Office sang South Cotabato nagaapela sa mga barangay kapitan nga suportahan ang mga trained barangay animal health workers.

Nagaapela si Dra. Flora Bigot, Provincial Veterinary Officer sang South Cotabato sa mga bag-o nga barangay kapitan sa probinsya nga kon mahimo i-recognize man ang napaidalom na nila sa training nga mga Barangay Animal Health Workers.
Ini matapos nga sa sulod sang duha ka tuig yara na sa 155 ka mga barangay animal health workers sa mga kabanwahanan dire sa probinsya ang ila nga napaidalom sa training.
Suno kay Dra. Bigot ini tungod nagatuhaw sa subong ang isyu nga wala sang political support ukon wala ginarecognize ang pipila ka mga barangay animal health workers nga kadam-an sa mga ini ang boluntaryo naman nga nagahatag sang ila nga serbisyo kag pipila lamang suno pa ka mga barangay ang nagahatag sang insentibo.
Apang suno kay Dra. Bigot may-yara sang ginpasar nga resolution ang Provincial Development Council ukon PDC nga alokaran sang pondo sang mga municipal government ang para sa insentibo sang mga Barangay Animal Health Workers.
Ang barangay animal health workers ang kabulig sang Provincial Veterinary Office sa rabies vaccination kag kampanya kontra rabies.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>