Ginapahanumdom sang pamunuan sang Provincial Veyerinary Office South Cotabato ang mga pumuluyo sa probinsya nga hugot sa gihapon nga ginabawal ang pagpasulod sang mga pork processed meat kapareho sang tocino kag chorizo nga halin sa area sang Davao dire sa probinsya tungod sa kaso sang African Swine Fever ukon ASF.
Suno kay Provincial Veterinarian Dr. Flora Bigot ini tungod may-yara sa gihapon sang nagapalusot pasulod sang mga Davao chorizo kag tocino dire sa probinsya nga ginakarga sa mga private vehicle nga wala ginasikyar sa quarantine checkpoints.
Samtang sa tion nga may mamonitor sila nga may nagabaligya sang mga products nga naghalin sa Davao ang ginakumpiskar gid nila suno kay Dr. Bigot agud magapabilin nga ASF free ang South Cotabato.
Ginkumpirmar niya man nga naghina gid man ang baklanay sang baboy dire sa probinsya sa tunga sang COVID-19 pandemic.
