Davao City – Dili pa pwede did-an sa Commission on Elections Davao Region ang bisan kisang mga incumbent public officials nga makapatuman sa mga proyekto ug mga programa bisan og makaduso pa sila og kandidatura karong bulana aron subling magpapili sa 2019 election.
Matud ni Comelec 11 Spokesperson Atty.Krisna Caballero nga aduna pa’y kagawasan ug kagahom ang mga elected officials sa pag-implementar sa mga proyekto ug mga programa samtang dili pa epektibo ang election ban nga magsugod sayo sa sunod tuig.
Segun ni Caballero nga magsugod ang election ban sa implementasyon sa tanang mga proyekto ug mga programa inig sugod sa kampanya gikan sa buwan sa Pebrero hangtud sa buwan sa Mayo 11 sunod tuig.
Nagpasidaan pa ni Comelec 11 spokesperson Atty.Krisna Caballero sa mga aspirant candidates sa petsa sa filing of certificate of candidacy karong Oktubre 11 hangtud 17 walay labot ang Sabado ug Domingo ug walay extension ilugway human niana.
RadyoMaN Joel Viray
