PRRD gihagit ni Trillanes nga ‘magpakalalaki’

32

Davao City – Gihagit karon ni Senador Antonio Trillanes IV si Presidente Rodridgo Duterte bahin sa pagpaaresto kaniya.

Subay kini sa giluwatang pamahayag sa senador atol sa bag-uhay lang nahuman nga gipahigayong press conference niini sulod sa Senado subay usab sa pagbakwi sa Malacañang sa iyang amnestiya.

“Magpakalalaki siya, gawin mo kung gusto mo akong ipaaresto, make a categorical order at wag isusubo ang AFP sa alanganin”, segun ni Trillanes.

Dugang sa senador nga gigamit lang matud pa karon sa pamuno-nasud ang AFP ug PNP aron makuha ang giingong pulitikal nga katuyuan.

Sa maong presscon, gipakita ni senador Trillanes ang mga dokumento nga matud pa pruweba nga wala nay hurisdiksyon kun basehan alang sa court martial proceedings diin saysay niini nga niadtong tuig 2007 pa nag resign na kini sa Armed Forces of the Philippines samtang ang amnestiya nga gitunol ni kanhi pangulo Noynoy Aquino niadto pang tuig 2010 diin siya usa na ka sibilyan.

Kampante usab ang senador nga iligal ang ugaling pag aresto tungod sa iyang gibaguran nga walay kaso batok kaniya.

RadyoMaN Renz Barbarona

Facebook Comments