Gin-anunsyo ni Pangulong Rodrigo Duterte nga ginpataas na sang Code Red-sub level 2 ang code alert system sa bug-os nga pungsod angut sa COVID-19.
Sa iya public address matapos ang Inter-agency Task Force on the Emerging Infectious Diseases ukon IATF-EID meeting sa Malakanyang, gin-aprobahan kag ginbasa ni Pangulong Duterte ang resolusyon nga gindihon sang task force para sa pagkontrol sa paglapta sang virus ilabi na sa Metro Manila.
Kalakip sa igapatuman ang pagsuspender sang mga biyahe sang mga eroplano pasulod kag paguwa sang Metro Manila umpisa Marso 15 tubtub Bbril 14, 2020.
`Suspendido man ang trabaho sa executve branch apang kinahanglan nga may skeletal force nga magahatag sa gihapon sang serbisyo samtang ginaganyat man ang pribado nga sektor nga magpatuman sang flexible work arrangements.
Ginpalawig man tubtub sa abril 12 ang suspension sang klase sa tanan nga level sa Metro Manila kag ginpanugyan sa mga estudyante nga magpabilin sa ila balay kag likawan ang magkadto sa mga matawo nga lugar.
Ang mga estudyante bfa makita nga nagalagaw sa pampubliko nga lugar ang pagasitahon sang pulis ukon militar.
Nagpanawagan man si Duterte sa mga Barangay Kapitan nga himuon ang ila katungdanan sa kampanya kontra covid-19.
