Padayon pa ang imbestigasyon sang Talisay City Police kun sin-o ang identity sang biktima nga gin salvage sini nga gab-i sa Bangga Hacienda Pait, Brgy. Matab-ang syudad sang Talisay.
Ang biktima nag-angkon sang igo sang bala sa iya nga ulo kag guya nga gintunaan sang iya kamatayon.
Suno sa mga residente sang nasambit nga lugar, pasado las 8 sini nga gab-i, may nabatian sila sang anum ka sunod sunod nga lupok kag sang ila ginlantaw may salakyan nga madasig nagpalagyo sa direksyon padulong sa Bacolod City.
Ang biktima nga lalaki ang nagasoksok sang t-shirt nga color puti, naka maong nga short, naka jacket kag naka tsinelas.
May nakabutang man sa bangkay nga cartoon nga may sulat “Sori indi na ako makabaligya sang shabu, makahold-up, makapangawat , Goodbye Earth”.
Ginabulubanta yara sa 30 tubtob 40 anyos ang edad sang biktima.
Ang bankay sang biktima ang gindala sa Manapla Funeral Homes.
[image: image.png]
