Report ni: Tita Jen Palomo Debaja
Sa una nga adlaw sang pagbisita ni Presidente Rodrigo Duterte sa Papua New Guinea, mainit ini nga gin abi abi sang masubra isa ka libo nga supporters sa nasambit nga pungsod.
Ginapatihan may yara sang 40,000 tanan ka OFWs ang nakabase kag naga obra sa Papua New Guinea.
Ginpatigayon ang meet and greet kay Presidente Rodrigo Roa Duterte sang Filipino community sa clubhouse sang Filipino Association of Papua New Guinea (FAPNG) sa Port Moresby subong nga adlaw Nobyembre 16, 2018.
Bugal nga ginpahibalo sang FAPNG sa presidente nga ang Clubhouse napundar nga propiedad sang asosasyon kag naga symbolize sang unity sang mga FILIPINOS sa nasambit nga pungsod.
Ang pagbisita sang presidente sa Papua New Giunea kabahin man sang iya partisipasyon sa pagahiwaton nga 26th Asia-Pacific Economic Cooperation (APEC) Economic Leaders’ Meeting (AELM) nga naka skedyul bwas nga adlaw, Nobyembre 17, 2018.
